«Սանդերլենդի» գլխավոր մարզիչ Պաոլո Դի Կանիոն հայտնել է, որ մտադիր է ամռանը նվազագույնը վեց նոր ֆուտբոլիստներով համալրել թիմի կազմը:
2012/13 մրցաշրջանը «կատուներն» ավարտեցին 17-րդ հորիզոնականում և ընդամենը 3 միավոր էին բարձր վտանգավոր գոտուց: Այժմ Դի Կանիոն պատրաստվում է ուժեղացնել իր թիմը:
-Պարզ է, որ ամռանը մենք նոր ֆուտբոլիստների կհրավիրենք: Մենք մրցաշրջանն ավարտեցինք վտանգավոր գոտուն մոտ և ակնհայտ է, որ այդ իրավիճակը պետք է փոխենք հաջորդ մրցաշրջանում: Մենք ունենք նաև որակյալ ֆուտբոլիստներ, որոնց պետք է պահենք,- Sunderland Echo-ին տված հարցազրույցում ասել է Դի Կանիոն:
Ֆուտբոլիստներից մեկը, ում Պաոլոն ցանկանում է պահել, դարպասապահ Սիմոն Մինյոլեն է: Թերթերում տեղ գտած լուրերի համաձայն, 25-ամյա բելգիացու ծառայություններով հետաքրքրված է «Արսենալը»:
