«Մանչեսթեր Յունայթեդի» գլխավոր մարզիչ Դևիդ Մոյեսը հայտնել է, որ 19-ամյա Անխելո Էնրիկեսն առաջին կազմում խաղալու հնարավորություն կստանա:
Երիտասարդ չիլիացին անցած ամառ միացավ «կարմիր սատանաներին» և վարձավճարով տեղափոխվեց «Ուիգան», որտեղ այդպես էլ չկարողացավ իրեն դրսևորել:
Սակայն այժմ «Յունայթեդի» գլխավոր մարզիչ Դևիդ Մոյեսը՝ հաշվի առնելով Ուեյն Ռունիի շուրջ ստեղծված իրավիճակը, չի պատրաստվում բաժանվել Էնրիկեսից:
-Քանի որ մենք նրան մեզ հետ չէինք վերցրել շրջագայության, ապա առաջին անգամ հնարավորություն ունեցանք տեսնելու նրա խաղը: Կարծում եմ՝ նա վատ չխաղաց: Մենք նրան առաջին կազմում խաղալու հնարավորություն կտանք,- ասել է Մոյեսը: Sky Sports
Հիշեցնենք, որ երեկ՝ «ԱԻԿ»-ի հետ կայացած ընկերական խաղում հենց Էնրիկեսի գոլը «Յունայթեդին» փրկեց պարտությունից: