Հայտնի է դարձել «Մանչեսթեր Յունայթեդի» լեգենդներ և «Ռեալ Մադրիդի» լեգենդներ ցուցադրական խաղի մասնակիցների անունները:
Հիշեցնենք, որ այդ խաղը տեղի կունենան հունիսի 2-ին «Օլդ Թրաֆորդ» մարզադաշտում: Դա կլինի «Ռեալի» վետերաների պատասխան այցը անցած տարվա խաղից հետո, որը տեղի ունեցավ «Սանտյագո Բեռնաբեոյում»:
Արդեն հայտնի է, որ «կարմիր սատանաներից» կխաղան Էդվին Վան Դեր Սարը, Յապ Ստամը, Էնդի Քոուլը, Դուայթ Յորքը, Թեդդի Շերինգեմը, Նիկի Բատտը, Դենիս Իրվինը, Լի Շարպը, Դոն Դաբլինը և Կվինտոն Ֆորտյունը, իսկ թիմի գլխավոր մարզիչը կլինի Բրայան Ռոբսոնը:
«Արքայական ակումբից» խաղալու համաձայնություն են տվել Զինեդին Զիդանը, Լուիշ Ֆիգուն, Ֆերնանդո Յերրոն, Ֆերնանդո Ռեդոնդոն, Սթիվ Մակմանամանը, Իվան Էլգերան, Էմիլիո Բուտրագենոն, Խոսե Ամավիսկան, Ալֆոնսոն, Պեդրո Կոնտրորասը, Մանոլո Սանչիսը և Կրիստիան Կարամբեն:
Խաղի ողջ հասույթը կգնա Manchester United Foundation հիմնադրամին:
