«Լեսթերը» հաստատել է Էնցո Մարեսկայի նշանակումը որպես իր նոր գլխավոր մարզիչ, ով կփոխարինի Դին Սմիթին:
Մարեսկան պայմանագիր է կնքել «Լեսթերի» հետ մինչև 2026 թվականը և անմիջապես կսկսի նախապատրաստվել Չեմպիոնշիպի նոր մրցաշրջանին։
43 ամյա իտալացին «աղվեսներին» է միանում «Մանչեսթեր Սիթիից», որտեղ նա օգնեց Խոսեպ Գվարդիոլային նվաճել այդքան սպասված տրեբլը:
Սա Մարեսկայի երկրորդ փորձն է, որպես գլխավոր մարզիչ։ Առաջին դեպքում նա չկարողացավ «Պարմային» բարձրացնել Ա Սերիա:
Մարեսկան արդեն ծանոթ է Չեմպիոնշիպին։ Էնցոն այստեղ խաղացել է որպես «Վեստ Բրոմվիչի» խաղացող՝ 23 տարի առաջ «Յուվենտուս» մեկնելուց առաջ:
