«Մանչեսթեր Յունայթեդը» հունվարին կփորձի ձեռք բերել «Արսենալի» անգլիացի հարձակվող Թեո Ուոլկոտին: Այս մասին հայտնում է Daiy Telegraph պարբերականը:
«Արսենալի» ղեկավարությունը Թեոյին առաջարկում է նոր պայմանագիր շաբաթական 75 հազար ֆունտ աշխատավարձով, սակայն ֆուտբոլիստը ցանկանում է լքել ակումբը: Հայտնի է, որ անգլիացի ֆուտբոլիստի ծառայություններով հետաքրքված են «Լիվերպուլն» ու «Մանչեսթեր Սիթին», ինչպես նաև «Չելսին»: Այժմ այս պայքարին միանում է նաև «Մանչեսթեր Յունայթեդը»:
Ակումբի գլխավոր մարզիչ Սէր Ալեքսը պատրաստ է խաղացողի համար վճարել 10 մլն ֆունտ և Նանիին: «Յունայթեդն» այս պահին խնդիրներ ունի Նանիի հետ: Նա չի ցանկանում սահմանափակվել շաբաթական 80 հազար ֆունտ աշխատավարձով, իսկ «Յունայթեդը» չի պատրաստվում գումար ծախսել մի խաղացողի վրա, որը վերջերս այլևս իրեն չի արդարացնում:
Թեո Ուոլկոտին ձեռք բերելով` «Յունայթեդը» կուժեղացնի հարձակման գիծը Ռոբին Վան Պերսի – Թեո Ուոլկոտ զույգի շնորհիվ: Դեռ «Արսենալում» այս զույգի շնորհիվ զինագործները Չեմպիոնների Լիգայի ուղեգիր նվաճեցին:
Նշենք, որ վերջին երկու տարիներին Ուոլկոտը «Արսենալի» հիմնական կազմի 6-րդ ֆուտբոլիստն է, որը հեռանում է ակումբից:
