«Արսենալի» հարձակվող Թեո Ուոլկոտը վստահ է, որ այս մրցաշրջանում իր թիմը կփորձի պայքարել Պրեմիեր Լիգան հաղթելու համար:
«Արսենալի» առանց տիտղոսների շարքը շարունակվում է 2005թ-ից ի վեր, սակայն Ուոլկոտը վստահ է, որ այն թիմը, որն այժմ հավաքվել է «Էմիրեյթսում», կարող է այն խախտել: Ներկա պահին «զինագործներն» ընդամենը մեկ միավորով են զիջում մրցաշարային աղյուսակը գլխավորող «Լիվերպուլին»:
-Ես կարծում եմ, որ մենք կշարունակենք առաջ գնալ, և մենք միանշանակ կպայքարենք տիտղոսի համար: Ես դրանում վստահ եմ:
Ներկա պահին թիմի ներսում մեծ ինքնավստահություն կա, և ես կարծում եմ, որ այն երևում է: Մեզ միայն մնում է բարելավել մեր խաղը սեփական հարկի տակ, քանի որ արտագնա խաղերում մեր հանդիպումները ֆանտաստիկ են ստացվում:
Մենք արտագնա խաղերում 10 անընդմեջ հաղթանակներ ենք տարել, դա ռեկորդ է: Այս թիմի մաս կազմելը մեծ պատիվ և մեծ ձեռքբերում է յուրաքանչյուրի համար: Սա միայն ցույց է տալիս, թե որքան տաղանդավոր ֆուտբոլիստներ են այստեղ հավաքված:
Մեր թիմն աշխարհի ամենահզորը, և մենք բազմաթիվ վնասվածքներով ֆուտբոլիստներ ունենք: Մենք պետք է լավ մարզավիճակում մնանք և չենք ցանկանում այլևս որևէ խաղացող կորցնել:
Երբ ֆուտբոլիստները շարք վերադառնան, հիմնական կազմում խաղալու մրցակցությունը կմեծանա, և դա «Արսենալի» օգտին կլինի,- Ուոլկոտի խոսքերն է մեջբերում Sky Sports-ը:
