«Նյուքասլի» դարպասապահ Թիմ Կրուլն ուսի վնասվածքի պատճառով բաց կթողնի մրցաշրջանի մնացած հատվածը:
Կիրակի օրը կայացած «Սանդերլենդի» հետ խաղում 25-ամյա Կրուլը անհաջող ընկավ խոտածածկին՝ հետ մղելով Ադամ Ջոնսոնի տուգանային հարվածը: Թիմը չկարողացավ շարունակել հանդիպումը և փոխարինվեց:
Այսպիսով, «Նյուքասլը» ոչ միայն 0:3 հաշվով պարտվեց, այլև կորցրեց հիմնական դարպասապահին: Հոլանդիայի ազգային հավաքականի ֆուտբոլիստը չի օգնի «կաչաղակներին» վերջին հինգ խաղերում:
-Թիմի ուսը տեղից դուրս է ընկել: Վստահաբար կարելի է ասել, որ նա բաց կթողնի մրցաշրջանի մնացած հատվածը:
Կրուլի կորուստը և գոլը, որը չգրանցվեց խաղից դուրս վիճակի պատճառով (0:1 հաշվի ժամանակ Պապիս Սիսեի գոլը սխալմամբ չգրանցվեց) դարձան հանդիպման առանցքային պահերը: Հենց այս երկու պահերը թույլ տվեցին «Սանդերլենդին»՝ հաղթանակ տոնելու,- հայտնել է «Նյուքասլի» գլխավոր մարզիչ Ալան Պարդյուն: ESPN
