«Արսենալի» կիսապաշտպան Թոմաս Պարտին Անգլիայի գավաթի «Մանչեսթեր Սիթիի» դեմ խաղից հետո ուղարկվել է ՄՌՏ հետազոտության:
«Էթիհադում» Անգլիայի գավաթի 4-րդ տուրում «զինագործների» պարտված խաղը (1-0) Պարտիի համար ավարտվեց ընդմիջմանը, երբ նա խաղադաշտում զիջեց իր տեղը Ալբերտ Սամբի Լոկոնգային:
«Արսենալի» գլխավոր մարզիչ Միկել Արտետան չի հստակեցրել վնասվածքի բնույթը, սակայն հորդորել է սպասել բժիշկների պատասխանին։
«Նա ինչ-որ անհարմարություն էր զգում, որն ավելի ու ավելի էր շատանում: Նա չէր կարող շարունակել խաղը: Վաղը նա ՄՌՏ հետազոտություն կանցնի»:
«Այս պահին վնասվածքի պատճառով զրկված ենք Մոից (Էլնենիից): Սամբին դուրս եկավ և վատը չէր»:
«Ճիշտ է, Թոմասը մեծ ազդեցություն ունի խաղի վրա: Երկրորդ խաղակեսում մենք նրան բաց թողեցինք»,- Արտետայի խոսքերն է մեջբերում Sky Sports-ը։
