«Չելսիի» գլխավոր մարզիչ Ժոզե Մոուրինյոն «Արսենալի» դեմ գոլազուրկ ոչ ոքի խաղալուց հետո նկատել է, որ առաջնությունում բարդ և յուրօրինակ իրավիճակ է ստեղծվել:
Այժմ 5-րդ տեղում գտնվող «Էվերթոնն» ընդամենը 2 միավորով է զիջում առաջատար «Լիվերպուլին»: Բացի այդ, հետ չեն մնում նաև «Տոտտենհեմը» և «Մանչեսթեր Յունայթեդը»:
-Սա յուրօրինակ իրավիճակ է, քանի որ մենք բոլորս հավասար ենք: Նախորդ մրցաշրջանի այս հատվածում չեմպիոնության հարցն արդեն լուծված էր: Իսկ այժմ ամեն ինչ այլ է:
«Մանչեսթեր Յունայթեդը» և «Տոտտենհեմը» չկան ուժեղագույն քառյակում, սակայն նրանք պայքարելու են դրա համար: Մեր առջև բաց են բոլոր հնարավորությունները՝ հատկապես եթե հիշենք, որ նախորդ մրցաշրջանի այս հատվածում «Չելսին» 11 միավորով հետ էր առաջին տեղից,- Մոուրինյոյի խոսքերն է մեջբերում BBC-ն:
