«Չելսիի» գլխավոր մարզիչ Ժոզե Մոուրինյոն հայտնել է, որ չի պատրաստվում հետ վերցնել «Արսենալում» իր կոլեգա Արսեն Վենգերի հասցեին արված արտահայտությունները:
Ինչպես արդեն գիտենք, Մոուրինյոյի սաները մրցաշրջանն ավարտեցին առանց տիտղոսի, ի տարբերություն «Արսենալի», որը մեկ շաբաթ առաջ հաղթեց Անգլիայի գավաթը: Մրցաշրջանի ընթացքում Մոուրինյոն Վենգերին անվանել էր «սխալների մասնագետ», և մրցաշրջանի ավարտը Ժոզեին չի ստիպել փոխել կարծիքը:
-Դուք ձեր կոլեգա Արսեն Վենգերին անվանել էիք «սխալների մասնագետ», իսկ նա հաղթեց Անգլիայի գավաթը: Արդյո՞ք պատրաստվում եք փոխել ձեր կարծքիը,- հարցրել է պորտուգալական Channel 4-ի հաղորդավար Ջոն Սնոուն:
-Այո, դուք գիտեք, ինը տարվա մեջ Անգլիայի մեկ գավաթ… Դա նրա համար գեղեցիկ պահ է,- հեգնանքով պատասխանել է Մոուրինյոն՝ չթաքցնելով ժպիտը:
