«Չելսիի» գլխավոր մարզիչ Ժոզե Մոուրինյոն հայտնել է, որ իր թիմը Պրեմիեր Լիգայի չեմպիոնական պայքարի գլխավոր մասնակիցներից է:
Նախորդ մրցաշրջանում, երբ անգամ «կապույտները» մրցաշարային աղյուսակում բարձր հորիզոնական զբաղեցրին, Մոուրինյոն չէր հոգնում կրկնել, որ իր թիմը դեռևս պատրաստ չէ տիտղոս նվաճել: Սակայն այդ շրջանն անցյալում է մնացել:
-Նախորդ մրցաշրջանում մենք չէինք զգում, որ տիտղոսի հավակնորդ ենք, չնայած որ շատ մոտ էինք դրան: Այս մրցաշրջանից առաջ մենք կարևոր ձեռքբերումներ ունեցանք, և մենք հավատում և զգում ենք, որ նոր ֆուտբոլիստները մեզ նոր մակարդակի կբարձրացնեն:
Այո, մենք պայքարելու ենք տիտղոսի համար: Եթե դուք ինձ հարցնենք, թե մենք կհաղթենք Պրեմիեր Լիգան, ես չեմ կարող պատասխանել: Չեմ կարող, քանի որ հարգում եմ այս առաջնությունը, որը միակն է, որտեղ տիտղոսի համար պայքարում են երկուսից ավել ակումբ,- «Չելսիի» պաշտոնական կայքին հայտնել է Մոուրինյոն:
