«Լիվերպուլը» չի պատրաստվում նոր պայմանագրեր առաջարկել պաշտպան Ժոել Մատիպին և կիսապաշտպան Տիագո Ալկանտարային։
2019 թվականին՝ «Շալկե 04»-ից ազատ գործակալի կարգավիճակով տեղափոխությունից երեք տարի անց, Մատիպը նոր հնգամյա պայմանագիր կնքեց «Լիվերպուլի» հետ, որի ավարտին այժմ ընդամենը մի քանի ամիս է մնացել:
Ժոելն իր դերն ունեցավ Յուրգեն Կլոպի թիմի հաջողություններում, իսկ վերջերս հայտարարել էր, որ կցանկանար կարիերան ավարտել մերսիսայդյան ակումբում։
Այնուամենայնիվ, Liverpool Echo-ն հայտնում է, որ «Լիվերպուլը» մինչ այժմ քայլեր չի ձեռնարկել կամերունցու հետ նոր պայմանագրի կնքման ուղղությամբ:
Ալկանտարան համարվում է տեխնիկապես ամենազարգացած խաղացողներից մեկը, ով երբևէ հագել է «Լիվերպուլի» մարզաշապիկը, նույնպես դժվար թե նոր պայմանագիր ստանա:
2020 թվականին Մյունխենի «Բավարիայից» տեղափոխվելուց հետո, Տիագոն վնասվածքի և հիվանդության պատճառով բաց է թողել 90 հանդիպում՝ ավելի շատ, քան Կլոպի թիմում գտնվող ցանկացած այլ ֆուտբոլիստ՝ մասնակցելով ընդամենը 97 հանդիպման:
Այս մրցաշրջանում Ալկանտարան դեռ չի մտել խաղադաշտ։ Քանի որ Տիագոն «Լիվերպուլի» ամենաբարձր վարձատրվող խաղացողներից մեկն է, ինչպես նաև հունիսին դառնում է 33 տարեկան, նրանից բաժանվելը անխուսափելի է թվում:
