«Լիվերպուլի» գլխավոր մարզիչ Յուրգեն Կլոպն իր կիսապաշտպան Ֆաբինյոյին հորդորել է օրինակ վերձնել «Մանչեսթեր Յունայթեդի» հարձակվող Մարկուս Ռաշֆորդից:
Մինչև վերջերս Ֆաբինյոն համարվում էր հենակետային կիսապաշտպանի ստանդարտը, իսկ վերջերս փորձառու բրազիլացին մրցակցությունը զիջում է 18 ամյա Ստեֆան Բայետիչին։
Անցած կիրակի Ֆաբինյոն Անգլիայի գավաթի խաղարկությունում «Բրայթոնի» դեմ խաղում գրեթե խուսափեց կարմիր քարտից, և Կլոպը ցանկանում է, որ իր սանը ոգեշնչվի Ռաշֆորդից, ով այս մրցաշրջանում վերադարձել է իր լավագույն մարզավիճակին:
«Նա գիտի, որ իր լավագույն մարզավիճակում չէ, և պետք է քրտնաջան աշխատի մարզավիճակը վերադառնալու համար: Նա մոլորակի ամենաերջանիկ մարդը չէ, բայց հասկանում է իրեն չխաղացնելու որոշումը»:
«Այս դիրքում քեզ պետք է մի տղա, ով հաղթում է մենապայքարներում, ով ապահովագրում է բոլորին, բայց նաև խաղում է ֆուտբոլ: Երկար տարիներ Ֆաբինյոն լավագույնն էր այս դիրքում»:
«Նա այս պահին չի խաղում: Մեր որոշ խաղացողներ չեն հասնում այն մակարդակին, որը ցուցադրել են վերջին հինգ կամ վեց տարիների ընթացքում: Դա անսովոր չէ»:
«Լավագույն օրինակներից մեկը Մարկուս Ռաշֆորդն է: Ես վստահ չեմ, որ նա կարող է բացատրել, թե ինչ է նա արել նախորդ մրցաշրջանում և ինչ է նա անում այս մրցաշրջանում: Դուք պետք է պայքարեք և աշխատեք դա փոխելու համար»,- Կլոպի խոսքը մեջբերում է Daily Mail-ը։
