«Մանչեսթեր Յունայթեդի» գլխավոր մարզիչ Էրիկ Տեն Հագը հայտարարել է, որ հարձակվող Կրիշտիանու Ռոնալդուն երջանիկ է ակումբում, թեև հիասթափված է խաղաժամանակի սղությունից:
«Մանչեսթեր Սիթիի» դեմ կիրակնօրյա դերբիում, երբ «Յունայթեդը» ջախջախվեց 6-3 հաշվով, Ռոնալդուն դուրս մնաց մեկնարկային կազմից և նույնիսկ փոխարինման դուրս չեկավ։
Այնուամենայնիվ, ըստ Տեն Հագի, 37-ամյա պորտուգալացին չի կորցնում մարտական ոգին և պահպանում է դրական վերաբերմունքը։
«Ես նրան տխուր չեմ տեսնում, նա երջանիկ է, լավ է մարզվում և հաճույք է ստանում ընթացքից»:
«Դա կապ չունի ապագայի հետ, թե ինչ կլինի հունվարին կամ հաջորդ տարի»։
«Ինձ սխալ մի հասկացեք. նա ուրախ չէ, որ չի խաղացել կիրակի օրը, բայց եթե խոսենք մարզումների ժամանակ իր տրամադրությունից, ապա նա այնտեղ երջանիկ է: Իհարկե, նա ցանկանում է խաղալ, և նա բարկանում է, երբ նա չի խաղում:»,- ասել է Տեն Հագը Sky sports-ին։
