«Կրիստալ Փելեսի» գլխավոր մարզիչ Տոնի Պյուլիսը հայտնել է, որ պատրաստ է հունվարին վարձակալել «Մանչեսթեր Յունայթեդի» վինգեր Վիլֆրիդ Զախային:
Տաղանդավոր անգլիացին այդպես էլ չի կարողանում տեղ գտնել «Յունայթեդի» հիմնական կազմում, ինչի պատճառով հավանական է նրա տեղափոխությունն այլ ակումբ: Պյուլիսը Զախային խորհուրդ է տալիս մրցաշրջանի մնացած հատվածն անցկացնել իր նախկին ակումբում:
-Ակնհայտ է, որ նա բարձրակարգ ֆուտբոլիստ է և «Յունայթեդը» նրա համար մեծ գումարներ է ծախսել: Վստահ եմ, որ Վիլֆրիդը Մոյեսի հետ կլուծի իր խնդիրները:
Եթե հնարավորություն լինի, ապա մենք կփորձենք վարձակալել նրան,- ասել է Պյուլիսը: Sky Sports
