«Մանչեսթեր Յունայթեդի» մարզիչ Էրիկ Տեն Հագը կարծում է, որ իր խաղացողները «հիմար» մարտավարությամբ էին խաղում «Աստոն Վիլայի» դեմ։
«Յունայթեդը» չկարողացավ տապալել Ունայ Էմերիի դեբյուտը «Վիլայում»՝ և պարտություն կրեցին Բիրմինգհեմում 3-1 հաշվով:
«Վիլա Պարկում» կայացած հանդիպման ժամանակ «կարմիր սատանաների» ֆուտբոլիստները դադարեցին կատարել Տեն Հագի հրահանգները և հաճախ անկազմակերպ էին գործում՝ և ցանկացած իրավիճակում փորձում էին երկար փոխանցումով գտնել Կրիշտիանու Ռոնալդուին: Էրիկը դրան հավանություն չի տալիս:
«Դա իմ հանձնարարությո՞ւնն էր։ Ոչ։ Ես կարծում եմ, որ հիմարություն էր դա անել»։
«Մենք չափազանց շտապում էինք կրոսներ կատարելիս, մենք մեզ չափից դուրս շատ ստիպեցինք դա անել: Դա նրա (Ռոնալդուի) համար ավելի հեշտ չդարձրեց խաղը: Կրոսները պետք է կատարվեն ճիշտ պահին»:
«Կարծում եմ, որ երկրորդ խաղակեսում մենք նույնպես շատ շտապում էինք: Առաջին խաղակեսում եղավ մի իրավիճակ, երբ Քրիստիան Էրիկսենը հնարավորություն գտավ գնդակը հասցնելու Կրիշտիանուին հեռավոր դարպասաձողի մոտ, և դա ճիշտ պահ էր»,- Տեն Հագի խոսքերն է մեջբերում Sky Sports-ը։
