«Մանչեսթեր Յունայթեդի» ավագ Հարի Մագուայռը հայտարարել է, որ Անգլիայի համար անհաջողություն կլինի, եթե հաջորդ տարի իր ազգային թիմակիցները չհաղթեն Եվրո-2024-ը:
Անգլիացիները նոր են սկսել Եվրո-2024-ի ընտրական փուլը՝ 1-2 հաշվով հաղթելով Եվրոպայի գործող չեմպիոն Իտալիային:
Նախկինում հասնելով ԱԱ-2018-ի կիսաեզրափակիչ, Եվրո-2020-ի եզրափակիչ և 2022-ի ԱԱ-ի քառորդ եզրափակիչ՝ Մագուայռը զգում է, որ այս անգամ անգլիացիները պետք է բարձրացնեն հաղթողի գավաթը։
«Դա իմ մտքերն են, եթե մենք չհաղթենք այս մրցաշարում, դա ձախողում կլինի»:
«Իհարկե, նախ պետք է հաղթահարենք ընտրական փուլի արգելքը և դուրս գանք շատ բարդ խմբից, գնացինք Իտալիա և հրաշալի արդյունք ստացանք»:
«Ես լուրջ եմ ասում: Ես արդեն մասնակցել եմ երեք մեծ մրցաշարերի և բավականին մոտ եմ եղել հաղթանակին: Այսպիսով, իմ կարծիքը ակնհայտ է, և ես հավատում եմ, որ մենք ունենք խաղացողներ, որոնք պետք է հաղթեն»,- Մագուայռի խոսքերն է մեջբերում The Telegraph-ը:
