«Ֆուլհեմը» պաշտոնապես հաստատել է «Ռոմայի» և Հոլանդիայի ազգային հավաքականի դարպասապահ Մարտեն Ստեկելենբուրգի տեղափոխությունը:
Ստեկելենբուրգն «Այաքսի» ֆուտբոլային ակադեմիայի սան է: Մարտենը հոլանդական ակումբում անցկացրել է 11 մրցաշրջան: 2011թ-ին դարպասապահը տեղափոխվեց Հռոմ:
«Ֆուլհեմը» Ստեկելենբուրգին փորձեց ձեռք բերել դեռ հունվարին, սակայն գործարքը ձախողվեց վերջին րոպեին, երբ Մարտենն արդեն գտնվում էր Լոնդոնում:
Ստեկելենբուրգը լոնդոնյան ակումբի հետ չորս տարվա պայմանագիր է ստորագրել:
Նշենք, որ «Ֆուլհեմի» գլխավոր մարզիչ Մարտին Յոլը Ստեկելենբուրգին լավ ճանաչում է «Այաքսում» աշխատած տարիներից:
