«Տոտտենհեմի» գլխավոր մարզիչ Անգե Պոստեկողլուն ասել է, որ իր թիմի առաջատարներ Ջեյմս Մեդիսոնը և Սոն Հին Մինը կարող են բաց թողնել «Լիվերպուլի» դեմ հանդիպումը։
Մեդիսոնը, ով ժամանել է «Լեսթերից», և Սոն, ով ստացել է ավագի թևկապը, նոր մրցաշրջանի սկզբում դարձել են «Տոտտենհեմի» հիմնական խաղացողները, սակայն երկուսն էլ թեթև վնասվածքներ են ստացել անցյալ տուրում «Արսենալի» դեմ կայացած ոչ֊ոքիի ժամանակ:
Հարձակվող Բրենան Ջոնսոնը նույնպես հիվանդանոց է գնացել այն բանից հետո, երբ վնասվածք է ստացել «Արսենալի» դեմ խաղում: Նրա մասնակցությունը «Լիվերպուլի» հետ հանդիպմանը բացառված է։
«Բրենանը բաց կթողնի այս շաբաթ հանդիպումը: Դա այնքան էլ լուրջ չէ, բայց բավական է, որ նա բաց թողնի հանդիպումը»:
«Մեդիսոնն ու Սոնը այսօր մարզվեցին, բայց մենք կնայենք նրանց վիճակին մարզումից հետո: Երկուսն էլ զբաղվեցին այն ամենով, ինչ անհրաժեշտ էր, բայց դա կախված կլինի նրանից, թե ինչպես իրենք կզգան իրենց»,- Պոստեկողլուի խոսքը մեջբերում է talkSPORT-ը:
