«Մանչեսթեր Սիթիի» գլխավոր մարզիչ Պեպ Գվարդիոլան իր երկրպագուներին խոստացել է, որ իր թիմն ամեն ինչ կանի Անգլիայի գավաթի եզրափակչում «Մանչեսթեր Յունայթեդին» հաղթելու համար։
Շաբաթ օրը Ուեմբլիում մանչեսթերյան դերբին կարող է լինել «Սիթիի» նախավերջին քայլը 1999 թվականին «Յունայթեդի» լեգենդար տրեբլը կրկնելու ճանապարհին:
Գվարդիոլան ցանկանում է, որ «Սիթիի» երկրպագուները վայելեն այս պահը, սակայն իրենք՝ «քաղաքացիները» հեռու են հանգստանալուց և պատրաստ են ամեն ինչի հաղթելու համար:
«Առաջինը, ես կխնդրեմ մեր երկրպագուներին արժանապատիվ վարվել, երկրորդը՝ վայելեք այս անհավանական իրադարձությունը՝ իմանալով, որ խաղացողները ամեն ինչ կտան «Մանչեսթեր Յունայթեդի» դեմ հաղթանակ տանելու համար»։
«Ո՞վ գիտի, թե ինչ կստացվի դրանից և ինչ արդյունք կունենանք, ես դա չգիտեմ, Էրիկ Տեն Հագը նույնպես չգիտի»:
«Սա ֆուտբոլային հանդիպում է: Վայելեք այս պահը և վայելեք հաջորդ շաբաթը Չեմպիոնների լիգայի եզրափակիչից առաջ՝ երազելով: Դա լավագույն միջոցն է»:
«Դուք պետք է հասկանաք, որ ամեն ինչ կարող է պատահել, բայց մենք ամեն ինչ կանենք «Յունայթեդին» հաղթելու համար»։
«Մենք կփորձենք խաղալ, ինչպես կարող ենք: Այսպիսով, ես կասեի, զվարճացեք, վայելեք, խմեք ճիշտ քանակությամբ գարեջուր խաղից առաջ:»,- Գվարդիոլայի խոսքերն է մեջբերում The Independent-ը:
