«Չելսիի» գլխավոր մարզիչ Ժոզե Մոուրինյոն կարծում է, որ «Մանչեսթեր Սիթին» Չեմպիոնների Լիգայի 1/8 եզրափակչում «Բարսելոնային» հաղթելու լավ հնարավորություն ունի:
Մոուրինյոն լավ ծանոթ է «Բարսելոնային»: Ժամանակին նա աշխատել է կատալոնական ակումբի մարզչական շտաբում, իսկ մինչև անցած տարի մարզում էր «Բարսելոնայի» սկզբունքային մրցակից «Ռեալին»:
Ժոզեի կարծիքով, այժմյան «Բարսելոնան» նկատելի զիջում է իր ճանաչած «Բարսելոնային», ուստի «Սիթին» կարող է դուրս գալ Չեմպիոնների Լիգայի 1/4 եզրափակիչ:
-Իհարկե, իր պատմության շնորհիվ «Բարսելոնան» ֆավորիտ է, սակայն նրանք այս մրցաշրջանում ցույց են տալիս, որ այլևս այն ակումբը չեն, որը կային վերջին տարիներին ընթացքում:
Իհարկե, նրանք ունեն Մեսսի: Նրանք ունեն տաղանդավոր այլ ֆուտբոլիստներ: Սակայն ես կարծում եմ, որ սա վերջին տարիների վատագույն «Բարսելոնան» է,- ITV-ին հայտնել է Մոուրինյոն:
