«Մանչեսթեր Սիթիի» գլխավոր մարզիչ Մանուել Պելեգրինիի նկատմամբ կարող են պատժամիջոցներ կիրառել՝ Չեմպիոնների Լիգայի 1/8 եզրափակչում «Բարսելոնայի» դեմ խաղից հետո մրցավարների հասցեին արված քննադատությունների համար:
Պելեգրինիի կարծիքով, Յոնաս Էրիկսոնն այդ երեկո անկողմնակալ չէր: «Քաղաքայինների» գլխավոր մարզիչը գոհ չէ, որ մրցավարը Մարտին Դեմիկելիսի խախտման համար 11 մետրանոց նշանակեց, քանի որ խախտումը տուգանային հրապարակից դուրս էր:
Էրիկսոնը 48 ժամ ունի, որպեսզի ՈՒԵՖԱ-ին ուղարկի խաղի հաշվետվությունը: Նրա ուղարկած հիմքերի վրա կարգապահական կոմիտեն կարող է Պելեգրինիին որակազրկել:
