«Մանչեսթեր Յունայթեդը» առաջարկ է ներկայացրել «Չելսիի» պաշտպան Մարկ Կուկուրելիային վարձավճարով ձեռք բերելու համար։
Հիշեցնենք, որ «Յունայթեդը» ստիպված է մտածել պաշտպանության ձախ եզրն ուժեղացնելու մասին այն բանից հետո, երբ Լյուկ Շոուն միացավ Տիրել Մալասիային հիվանդանոցում, իսկ Բրենդոն Ուիլյամսը վարձավճարով հեռացավ ակումբից:
«Յունայթեդը» դիտարկում է մի քանի տարբերակ, որոնց թվում՝ Կուկուրելիան է, ում համար «կարմիր սատանաները» առաջարկում են 2 միլիոն ֆունտ ստերլինգ՝ մինչև 2023/24 մրցաշրջանի ավարտը վարձակալության տարբերակի համար։
Evening Standard-ն ակնկալում է, որ «Չելսին» կմերժի առաջարկը: «Կապույտները» պատրաստ են 25 ամյա իսպանացուց բաժանվելու, նույնիսկ վարձավճարով, բայց ավելի շատ գումար են ցանկանում ստանալ նրա համար:
Բացի Կուկուրելիայից, «Յունայթեդը» հետաքրքրված է նաև «Տոտտենհեմից» Սերխիո Ռեգիլիոնով, «Բարսելոնայից» Մարկոս Ալոնսոյով, «Ռոմայից» Լեոնարդո Սպինացոլայով և «Լիոնից» Նիկոլաս Տալիաֆիկոյով։
