«Մանչեսթեր Յունայթեդն» առաջվա պես հետաքրքրված է «Պորտուի» կիսապաշտպան Ջեյմս Ռոդրիգեսի ծառայություններով:
Անգլիական ակումբի ներկայացուցիչները հետևել են 21-ամյա կոլումբացու՝ շաբաթ օրը կայացած Պորտուգալիայի առաջնության «Ռիու Ավեի» հետ խաղին (2:1): Այս մասին հայտնում է Daily Mail պարբերականը:
Այդ խաղում Ռոդրիգեսը փոխարինման դուրս եկավ 46-րդ րոպեին և աչքի ընկավ գոլային փոխանցումով:
Հիշեցնենք, որ վերջերս ֆուտբոլիստի տրանսֆերային արժեքը 24 մլն ֆունտից դարձավ 36 մլն:
Պորտուգալիայի ընթացիկ առաջնության 14 խաղերում Ռոդրիգեսը խփել է 7 գնդակ և կատարել 7 գոլային փոխանցում:
