«Մանչեսթեր Յունայթեդը» առաջիկա երկու տրանսֆերային պատուհանների ընթացքում կարող է հրաժեշտ տալ 15 խաղացողների։
Անցած ամառ «Յունայթեդը» մեծ ակտիվություն ցուցաբերեց վաճառքի հարցում՝ հրաժեշտ տալով միանգամից 14 խաղացողների։ Ակումբը դրան մղում է ֆինանսական արդար խաղի կանոններին հետևելու անհրաժեշտությունը:
Ինչպես նշում է Daily Star-ը, «Յունայթեդը» կարող է հրաժեշտ տալ այնպիսի ֆուտբոլիստների ինչպիսիք են՝ Ջեյդոն Սանչոն, Անտոնին, Ռաֆայել Վարանը, Դոնի Վան դե Բեկը և Անտոնի Մարսյալը:
Օլդ Թրաֆորդը չի ակնկալում, որ հարձակվող Մեյսոն Գրինվուդը կվերադառնա «Խետաֆեում» վարձակալության ժամկետի ացարտից հետո և հասանելի կլինի մշտական տրանսֆերի համար:
Բացի այդ, «Յունայթեդը» չի պատրաստվում գնել Սերխիո Ռեգիլիոնին և Սոֆյան Ամրաբատին, ովքեր այս մրցաշրջանում հանդես են գալիս «կարմիր սատանաների» կազմում վարձավճարով։
Ե՛վ Թոմ Հիթոնի, և՛ Ջոննի Էվանսի պայմանագրերի ժամկետը ավարտվում է այս մրցաշրջանի ավարտից հետո, և ոչ մեկը չունի 12-ամսյա երկարաձգման տարբերակ:
Առայժմ պարզ չէ, թե արդյոք «Յունայթեդը» կկիրառի վերոհիշյալ հնարավորությունը Բրենդոն Ուիլյամսի և Ալվարո Ֆերնանդեսի պայմանագրերի համար, ովքեր ներկայումս վարձավճարով հանդես են գալիս համապատասխանաբար «Իպսվիչում» և «Ժիրոնայում»:
Շոլա Շորետիրը, Ուիլ Ֆիշը և Ջո Հյուջիլը եզրափակում են այն խաղացողների ցանկը, ովքեր կարող են լքել Օլդ Թրաֆորդը:
