Իսպանացի դարպասապահ Վիկտոր Վալդեսը կարող է կարիերան շարունակել Պրեմիեր Լիգայում: Միանգամից երկու անգլիական թիմեր պատրաստակամություն են հայտնել պայմանագիր ստորագրել «Բարսելոնայի» նախկին դարպասապահի հետ:
Ինչպես հաղորդում է Sunday People-ը, Վալդեսը կարող է տեղափոխվել «Մանչեսթեր Յունայթեդ»: «Մանկունյանցիների» գլխավոր մարզիչ Լուի վան Գալը ցանկանում է ուժեղացնել մրցակցությունը դարպասապահի դիրքում:
Վալդեսի մասին մտածում է նաև «Արսենալի» գլխավոր մարզիչ Արսեն Վենգերը: Հիշեցնենք, որ այս պահին Վալդեսը գտնվում է ազատ ֆուտբոլիստի կարգավիճակում: Վալդեսի հետ բանակցում է նաև ֆրանսիական «Մոնակոն»: