«Տոտտենհեմը» պաշտոնապես հայտնել է «Տվենտեի» և Բելգիայի հավաքականի վինգեր Նասեր Շադլիի ձեռքբերման մասին: Գործարքի արժեքը չի հաղորդվում:
23-ամյա Շադլին արդեն մեկնել է Լոնդոն, որտեղ բուժզննում կանցնի և կստորագրի պայմանագիրը, որից անմիջապես հետո կմեկնի Հոնկոնգ, որտեղ Անդրե Վիլաշ-Բոաշի թիմը պատրաստվում է մասնակցել Barclays Asia Trophy մինի-մրցաշարին:
Շադլին, ով կարող է խաղալ երկու եզրերում էլ, դարձավ ամառային տրանսֆերային պատուհանի ընթացքում «Տոտտենհեմի» երկրորդ ձեռքբերումը՝ Պաուլինյոյից հետո: «Ուայթ Հարթ Լեյնում» հարմարվել նրան կօգնեն իր հայրենակիցներ Յան Վերտոնգենը և Մուսա Դեմբելեն:
Շադլին երեք հաջող մրցաշրջան է անցկացրել «Տվենտեյում», որից երկուսում դարձել է Հոլանդիայի չեմպիոն: Նասերի ծառայություններով հետաքրքրվում էին «Սուոնսի Սիթին» և «Աստոն Վիլլան»: Շադլին Չեմպիոնների Լիգայի 2010/11 մրցաշրջանի խմբային փուլում «Տոտտենհեմի» դարպասը գրավեց տնային և արտագնա խաղերում: