«Մանչեսթեր Սիթիի» գլխավոր մարզիչ Պեպ Գվարդիոլան ասել է, որ պաշտպան Քայլ Ուոլկերը չի համապատասխանում իր նոր տակտիկային:
Վերջին շաբաթների ընթացքում Գվարդիոլան նախընտրում էր խաղալ երեք պաշտպանով՝ պաշտպանությունում աջից օգտագործելով Մանուել Ականջիին, իսկ հենակետային գոտում՝ Ջոն Սթոնսին: Նման սխեմայով 32 ամյա Ուոլկերը պարզապես տեղ չունի թիմում։
«Ոչ, նա չի կարող դա անել: Նա միշտ արագություն կունենա: Քայլը կլինի այս սենյակի ամենաարագ խաղացողը նույնիսկ 60 տարեկանում: Բայց կենտրոնի տեղաշարժով խաղալու համար պետք է ընտելացած լինես որոշակի շարժումներին, և նա չունի այս բոլոր հատկանիշները»:
«Նախկինում նա խաղում էր եզրային պաշտպանի դիրքում, ով երբեմն տեղաշարժվում էր կենտրոն, բայց դա՝ պաշտպանական քառյակի ժամանակ էր: Նա շատ լավն էր, բայց նա չի կարող խաղալ երեք պաշտպանի և երկու կիսապաշտպանի սխեմայով»:
«Ի՞նչ պետք է անի նա: Եղիր ինքը: Լավ մարզվիր: Դրա պատճառը մարտավարությունն է, և ոչ թե այն, որ մենք կորցրել ենք հավատը Քայլի հանդեպ»,- Գվարդիոլայի խոսքերն է մեջբերում The Guardian-ը:
