«Մանչեսթեր Սիթիի» պաշտպան Քայլ Ուոլքերը վստահ է, որ նախկինում ձեռք բերած իրենց փորձը կօգնի իր թիմին Չեմպիոնների լիգայի եզրափակչում «Ինտերի» դեմ:
2021 թվականին «Սիթին» իր պատմության մեջ առաջին անգամ խաղաց Չեմպիոնների լիգայի եզրափակչում՝ Պորտուում 1:0 հաշվով պարտություն կրելով «Չելսիից»:
Ուոլքերի և նրա թիմակիցների համար դա շատ ցավալի փորձ էր, բայց Քայլը համոզված է, որ դա կօգնի Ստամբուլում «քաղաքացիներին»:
«Մենք նախկինում կարողացել ենք հասնել այս փուլին: Երբ դու առաջին անգամ դուրս ես գալիս, և լսում ես օրհներգը, և տեսնում ես գավաթը, դա մի փոքր անիրատեսական է և մտածում ես. «Աստված իմ, դա իսկապես տեղի է ունենում»:
«Հիմա, երբ մենք այստեղ ենք, գիտենք, թե ինչ է մեզ սպասվում»:
«Չեմ կարծում, որ որևէ մեծ թիմ առաջին անգամ դուրս գալով եզրափակիչ կարողացել է հաղթել այն: Կարծում եմ, որ դուք միշտ պետք է հաղթահարեք խոչընդոտները», – Ուոլքերի խոսքերն է մեջբերում Daily Mail-ը:
