«Արսենալի» հարձակվող Թեո Ուոլկոտի վերադարձը սպասվում է այս ամսվա ավարտին։
Հիշեցնենք որ Անգլիայի հավաքականի 26-ամյա ֆուտբոլիստը ապաքինվում է Լիգայի գավաթում «Շեֆիլդ Ուենսդեյի» հետ խաղում ստացած վնասվածքից։
Հանգստյան այս օրերին մամուլում լուրեր հայտնվեցին, որ Թեոյի ապաքինում կհետաձգվի, սակայն Evening Standard-ը հերքել է այդ լուրերը և հայտնել է, որ Ուոլկոտի ապաքինումն ընթանում է գրաֆիկով։
Այս պարագայում, Ուոլկոտը կկարողանա իր թիմին օգնել արդեն դեկտեմբերին։ Ինչ վերաբերվում է Ալեքս Օքլեյդ-Չեմբերլենին, ապա նա կվերադառնա արդեն հաջորդ տուրում։
