«Քարդիֆը» 2.25 մլն ֆունտով ձեռք բերեց «Վեստ Բրոմվիչի» 32-ամյա հարձակվող Պիտեր Օդեմվինգիեին:
Պիտերի և «Վեստ Բրոմվիչի» հարաբերությունները վատթարացան հունվարին, երբ նիգերացուն չհաջողվեց իրականացնել իր տեղափոխությունը «Քուինս Պարկ Ռեյնջերս»: Այս ամառ ենթադրվում էր, որ Օդեմվինգիեն կհեռանա ակումբից, սակայն «Բրոմվիչը» չէր ցանկանում նրան բաց թողնել:
Արդյունքում, ինչպես հայտնում է BBC-ն, Օդեմվինգիեն հեռանում է «Հոթորնսից» և կարիերան կշարունակի Մալկի Մաքեյի թիմում, որտեղ նա հիմնական կազմում տեղ գտնելու համար կմրցակցի Ֆրեյզեր Քեմպբելի, Նիկի Մեյնարդի, Ռուդի Ժեստեդի, Ջո Մեյսոնի և Անդրեաս Կոռնելիուսի հետ:
