Արգենտինացի մարզիչ Մաուրիսիո Պոչետինոն պայմանագիր է կնքել «Չելսիի» հետ։
Երկու շաբաթ առաջ հայտնի դարձավ, որ Պոչետինոն համաձայնել է դառնալ «Չելսիի» նոր գլխավոր մարզիչը։
Ինչպես հայտնում է The Telegraph-ը, Մաուրիսիոն մեկնել է Լոնդոն և պայմանագիր է ստորագրել «ազնվականների» հետ, և դրա մասին պաշտոնապես պետք է հայտարարեն առաջիկա 48 ժամվա ընթացքում:
Հրատարակությունը պարզաբանում է, որ Պոչետինոյի պայմանագիրը նախատեսված է երեք տարով, և Մաուրիսիոն աշխատանքի կանցնի հաջորդ շաբաթ՝ այն բանից հետո, երբ «Չելսին» այս մրցաշրջանի վերջին խաղը կանցկացնի «Նյուքասլի» դեմ։
51 ամյա արգենտինացին գործազուրկ է անցյալ ամառվանից, երբ «ՊՍԺ»-ն հեռացրեց նրան աշխատանքից։ Այդ ժամանակից ի վեր «Տոտտենհեմի» և «Սաութհեմպտոնի» նախկին մարզիչը մերժել է մի շարք առաջարկներ՝ սպասելով այն միակին:
