Այսօր կայանալիք «Էվերթոնի» հետ խաղից առաջ «Արսենալի» կիսապաշտպան Ջեկ Ուիլշերը հայտնել է, որ իր թիմը կարող է հաղթել մրցաշրջանի մնացած բոլոր խաղերում:
Այժմ «զինագործները» գտնվում են մրցաշարային աղյուսակի երրորդ հորիզոնականում: Շատերն են կարծում, որ նրանք ֆավորիտ են համարվում Չեմպիոնների Լիգայի ուղեգիր նվաճելու համար:
-Համոզված եմ, որ մենք կկարողանանք հավաքել առավելագույն միավորները: Նախանցած մրցաշրջանում մենք տնային խաղում հաղթեցինք «Յունայթեդին», այնպես որ գիտենք, որ կարող ենք դա անել ևս մեկ անգամ:
Այժմ մեզ շատ կարևոր հանդիպում է սպասվում «Էվերթոնի» հետ: Եթե մենք հաղթենք, ապա լավ դիրքերում կլինենք: Սակայն նույնիսկ այդ դեպքում մենք չպետք է թուլանանք, քանի որ հետո մեզ մի քանի ծանր հանդիպում է սպասվում:
«Ֆուլհեմի» հետ արտագնա հանդիպումը շատ բարդ է լինելու, իսկ հետո մենք խաղալու ենք «Մանչեսթեր Յունայթեդի» հետ: Չենք ցանկանում, որ նրանք տոնեն իրենց տիտղոսը «Էմիրեյթսում»: Այնպես որ կանենք ամեն հնարավորը,- հայտնել է Ուիլշերը: The Independent
