«Վեստ Հեմը» հայտարարել է «Սաութհեմպտոնի» ավագ Ջեյմս Ուարդ-Պրոուզին 30 միլիոն ֆունտ ստերլինգով ձեռք բերելու մասին:
Ուորդ-Պրոուզը պայմանագիր է կնքել «Վեստ Հեմի» հետ մինչև 2027 թվականի հունիսը և Դևիդ Մոյեսի թիմում հանդես կգա 7 համարի մարզաշապիկով։
28 ամյա անգլիացին այս տրանսֆերային պատուհանում դառնում է «Վեստ Հեմի» երկրորդ նորեկը Էդսոն Ալվարեսից հետո և կօգնի «մրճահարներին» հաղթահարել թիմից հեռացած Դեքլան Ռայսի կորուստը:
Ուորդ-Պրոուզը Պրեմիեր լիգայում 343 հանդիպում է անցկացրել իր հայրենի «Սաութհեմպտոնի» կազմում: Ջեյմսը կարող է նաև առաջարկել «Վեստ Հեմին» տուգանային հարվածներ իրականացնելու իր հմտությունները և առաջնորդական որակները:
Ուորդ-Պրոուզի նորամուտը «Վեստ Հեմի» կազմում նախատեսված է հաջորդ կիրակի «Չելսիի» դեմ խաղում։
«Ես զգացողություն ունեմ, որ անմիջապես կմիանամ թիմին, և կարող եմ խոստանալ, որ կփորձեմ անել առավելագույնը այս ֆուտբոլային ակումբի համար, քանի դեռ այստեղ եմ»,- ասել է կիսապաշտպանը։
