«Լիվերպուլի» ավագ Սթիվեն Ջերարդը համոզված է, որ իր թիմը հաջորդ մրցաշրջանում կպայքարի Պրեմիեր Լիգայի լավագույն քառյակում տեղ զբաղեցնելու համար:
Կիրակի օրը «կարմիրները» հաղթեցին «Աստոն Վիլլային» 1:2 հաշվով: Միևնույնն է՝ թիմը հեռու է Չեմպիոնների Լիգայի ուղեգիր նվաճելուց: Գլխավոր մարզիչ Բրենդան Ռոջերսն ու մի շարք ֆուտբոլիստներ լավատեսական հայտարարություններ են անում, չնայած որ թիմին կարծես թե չի հաջողվի այս մրցաշրջանում տեղ զբաղեցնել ուժեղագույն քառյակում:
Մինչդեռ Ջերարդը կարծում է, որ հաջորդ մրցաշրջանում թիմը կարող է պայքարել Չեմպիոնների Լիգայի ուղեգրի համար:
-Մենք հեռու չենք դրանից: Ամռանը թիմը կբարելավվի, և մենք համոզված ենք, որ հաջորդ մրցաշրջանում մենք կկարողանանք մեծ հաջողությամբ պայքարել ուժեղագույն քառյակի համար:
Մենք գիտենք, թե որն է մեր խնդիրը, և դա անկայունությունն է: Խաղերի մեծ մասում մենք բավականին լավ ենք խաղացել, որպեսզի Լիգայում ավելի բարձր հորիզոնական գրավենք: Սակայն դիտարկեք «Սաութհեմպտոնի», «Աստոն Վիլլայի», «Վեստ Բրոմվիչի», «Արսենալի» հետ հանդիպումները: Ահա այն խաղերը, որոնցում մեզ մոտ ոչինչ չէր ստացվում:
Ահա պատճառը, թե մենք ինչու ենք գտնվում այս հորիզոնականում: Մինչդեռ եղել են ֆանտաստիկ հանդիպումներ, որոնց համար արժանի ենք լավագույն քառյակում տեղ զբաղեցնելու համար,- հայտնել է Ջերարդը: The Guardian
