«Մանչեսթեր Յունայթեդի» պաշտպան Ֆիլ Ջոնսը հայտնել է, որ իր թիմում չեն մտահոգվում այս ամռանը նոր ձեռքբերում չունենալու պատճառով:
Ի տարբերություն իրենց մրցակիցներ «Մանչեսթեր Սիթիի» և «Չելսիի», Անգլիայի չեմպիոնների գլխավոր մարզիչ Դևիդ Մոյեսը դեռևս ոչ մի գործարք չի իրականացրել: Սակայն Ջոնսը չի ցանկանում դրան մեծ նշանակություն տալ:
-Ես չեմ կարծում, որ տղաներին շատ են անհանգստացնում այլ ակումբների ձեռքբերումները: Դա ոչ մի կապ չունի մեզ հետ, մենք ուղղակի կենտրոնանում ենք մեր աշխատանքի վրա և գիտենք՝ ինչ անել:
Վստահ եմ, որ նոր մրցաշրջանը շատ հետաքրքիր կլինի: Թիմերը նոր գլխավոր մարզիչներ ունեն, և ես վստահ եմ՝ եթե մենք ցույց տանք այն ֆուտբոլը, որն անցած մրցաշրջանի սկզբում ցույց տվեցինք՝ ամեն ինչ շատ լավ կլինի,- Ջոնսի խոսքերն է մեջբերում The Guardian-ը: