«Մանչեսթեր Յունայթեդի» հարձակվող Մարկուս Ռաշֆորդը պատրաստ է նոր երկարաժամկետ պայմանագիր ստորագրել իր ակումբի հետ։
Եվ մինչ «Յունայթեդն» ավարտեց 2022/23 մրցաշրջանը Անգլիայի գավաթի եզրափակիչում «Մանչեսթեր Սիթիից» 2:1 հաշվով պարտությամբ, «կարմիր սատանաների» ելույթը Էրիկ Տեն Հագի գլխավորությամբ համոզեց Ռաշֆորդին, որ նա ցանկանում է դառնալ այդ նախագծի մի մասը:
Հոլանդացի մարզչի օրոք Ռաշֆորդը վերադարձավ իր լավագույն մարզավիճակին և 30 գոլ խփեց «Յունայթեդի» կազմում՝ նվաճելով Լիգայի գավաթը։
25 ամյա Ռաշֆորդը, ում գործող պայմանագրի ժամկետը լրանում է 12 ամսից, կասկածները մի կողմ նետեց Չեմպիոնների լիգայի ուղեգիրը նվաճելուց հետո։
«Մարկուսը մնում է «Յունայթեդում»: Նա սպասում էր, թե արդյոք ակումբը կկարողանա նվաճել Չեմպիոնների լիգայի ուղեգիր, և այժմ, երբ ստացավ, նա երջանիկ է: Նա հաճույքով է խաղում Տեն Հագի համակարգում, որը, իր կարծիքով, կատարել է իր բոլոր խոստումները»:
«Պայմանագիրը, որին նա համաձայնում է, նրա կարիերայի ամենամեծ գործարքն է, և նրանք դեռ որոշ աշխատանք ունեն անելու: Բայց երկու կողմերն էլ նույն բանն են ցանկանում։ Մարկուսը կնքում է գործարքը և երկար տարիներ մնում «Յունայթեդում», – մեջբերում է The Sun-ը։
