«Չելսիի» գլխավոր մարզիչ Ռաֆայել Բենիտեսը հերթական անգամ պաշտպանել է Ֆերնանդո Տորեսին լրագրողների քննադատություններից:
Եվրոպա Լիգայի 1/16 եզրափակչի պատասխան խաղում «Սպարտայի» դեմ (1:1) Տորեսը չիրացրեց մի շարք գոլային պահեր: Հետխաղյա մամլո ասուլիսի ժամանակ Ռաֆայելը չվիրավորեց Ֆերնանդոյին և հայտնեց, որ նա լավ էր ընտրում դիրքը դաշտում:
-Մենք կարող ենք խոսել Ֆերնանդոյի մասին այն տեսանկյունից, որ նա գոլ չխփեց՝ ունենալով 4 գոլային պահ: Սակայն եկեք սրան նայենք դրական կողմից: Այսօր մենք չորս գոլային պահ ունեցանք:
Այո, մենք հիասթափված ենք, որ նա գոլի հեղինակ չդարձավ: Մինչդեռ նա առաջվա պես իրեն նվիրում է ակումբին, և ես չէի ասի, որ այս երեկո նա վատ խաղաց:
Իհարկե, դուք կարող եք վերլուծել հարձակվողի խաղը միայն գոլերի թվով: Հնարավոր է, որ դուք ճիշտ եք: Մինչդեռ Ֆերնանդոն մեծ աշխատանք է կատարել ակումբի համար: Եթե նա շարունակի խաղալ այսօրվա պես, ապա գոլերը կգան իր մոտ: Վստահ եմ դրանում,- հայտնել է Բենիտեսը: The Guardian
