«Արսենալի» հիմնական դարպասապահ Աարոն Ռեմսդեյլը ճանաչվել է աշխարհի ամենաթանկ դարպասապահը։
CIES Football Observatory-ի վերջին ուսումնասիրության համաձայն, 25 ամյա Ռեմսդեյլը գնահատվել է 79 միլիոն եվրո (67,5 միլիոն ֆունտ):
Ռեմսդեյլը պաշտպանում է «Արսենալի» դարպասը 2021 թվականից։ Նա Պրեմիեր լիգայի երկու անընդմեջ մրցաշրջաններում, երկու տարբեր ակումբների հետ՝ «Շեֆիլդ Յունայթեդի» և «Բորնմուտի» հետ դուրս մնաց ԱՊԼ-ից, որից հետո 30 միլիոնի դիմաց տեղափոխվեց «Արսենալ»։
Վերջին երկու մրցաշրջանների ընթացքում Աարոնն ապացուցեց, որ բարձրակարգ դարպասապահ է, օգնելով «զինագործներին» դառնալ Պրեմիեր լիգայի չեմպիոնի կոչման հավակնորդներ և մայիսին կնքեց նոր չորս տարվա պայմանագիր:
Աշխարհի ամենաթանկ դարպասապահների հնգյակում են հայտնվել նաև Ջանլուիջի Դոննարուման (64,1 մ) «ՊՍԺ»-ից, Ալիսոնը (57,2 մ) «Լիվերպուլից»Լիվերպուլից, Դիոգո Կոստան (55,5 մ) «Պորտուից» և Էդերսոնը (48,7 մ) «Մանչեսթեր Սիթիից»։
