«Ռեալ Մադրիդի» հարձակվող Կրիշտիանու Ռոնալդուն խոստովանել է, որ հույս ունի գոլ խփել Չեմպիոնների Լիգայի 1/8 եզրափակչի պատասխան խաղի ժամանակ «Օլդ Թրաֆորդում»: Երեքշաբթի երեկոյան «Մանչեսթեր Յունայթեդը» կհյուրընկալի արքայական ակումբին:
-Ես շատ կցանկանայի գոլ խփել «Յունայթեդի» դարպասը «Օլդ Թրաֆորդում»: Դա գեղեցիկ կլիներ: Չգիտեմ, թե ինչպես կտոնեմ այդ գնդակը: Հավանաբար ամեն ինչ ինքնաբերաբար կլինի: Սակայն ես շատ կցանկանայի գոլ խփել:
Համոզված եմ, որ «Յունայթեդի» երկրպագուներն ինձ ջերմ կընդունեն: Ես այնտեղ երկար տարիներ եմ անցկացրել: Չեմ կասկածում, որ սա այն մարզադաշտերից է, որտեղ ինձ ամենաշատը կաջակցեն: Մանչեսթերում հիանալի ժամանակ եմ անցկացրել,- հայտնել է Ռոնալդուն:
