«Լիվերպուլի» գլխավոր մարզիչ Բրենդան Ռոջերսը գովեստի խոսքեր է ասել թիմի հարձակվող Դանիել Սթարիջի հասցեին և հայտնել, որ նա կարող է դառնալ Պրեմիեր Լիգայի լավագույն հարձակվողներից մեկը:
«Ֆուլհեմի» հետ երեկ կայացած խաղում անգլիացի հարձակվողի հեթ-տրիկը կամային հաղթանակ պարգևեց «Լիվերպուլին»: «Էնֆիլդ» տեղափոխվելուց հետո Սթարիջը 15 խաղում դարձել է 11 գոլի հեղինակ:
-Նա գոլեր է խփում այն պահից, երբ տեղափոխվեց այստեղ: 15 խաղում նա դարձել է 11 գոլի հեղինակ, ինչը ֆանտաստիկ արդյունք է:
Նա կարող է գոլ խփել յուրաքանչյուր խաղում: Ես զգում էի, որ նրան պայմաններ են պետք իր տաղանդը ցուցադրելու համար: Այսօր մենք տեսանք նրա արագությունը և տեխնիկան:
Առաջին դեպքում նա հիանալի ավարտին հասցրեց գոլային գրոհը: Երկրոդ դեպքում ուղղակի գնդակը ուղարկեց դարպասը, իսկ երրոդ անգամ նա օգտագործեց երիտասարդ Կոուտինյոյի հիանալի փոխանցումը:
Նա մեծ տաղանդ ունի և ես կարծում եմ, որ կարող է դառնալ Պրեմիեր Լիգայի լավագույն հարձակվողներից մեկը,- Sky Sports-ին տված հարցազրույցում ասել է Ռոջերսը:
