«Արսենալի» գլխավոր մարզիչ Միկել Արտետան հաստատել է, որ եզրային Բուկայո Սական կարող է մասնակցել կիրակի օրը «Մանչեսթեր Սիթիի» հետ հանդիպմանը:
Անցած երեքշաբթի «Լենսից» Չեմպիոնների լիգայում «Արսենալի» կրած պարտության 34-րդռոպեյին Սական ստիպված եղավ փոխարինվել:
Չնայած դրան, Բուկայոն հրավիրվել է Անգլիայի հավաքական Ավստրալիայի և Իտալիայի դեմ խաղերին, և Արտետան խոստովանում է, որ 22 ամյա խաղացողը կարող է խաղալ Էմիրեյթսում կիրակի օրը կայանալիք հանդիպմանը:
«Նա դիտարկվում է հանդիպման համար, տեսնենք, թե ինչպես կբարելավվի նրա վիճակը կիրակի օրը»:
«Ակնհայտ է, որ նա պետք է լքեր խաղադաշտը, և դա ոչ մի պարագայում լավ նորություն չի, բայց տեսնենք, թե ինչպես նա կվերականգնվի»:
«Մանրամասներ՞, ինչպես ասացի, նա հասանելի է հանդիպման համար: Այսքանը: Ես բժիշկ չեմ: Այդպես են ինձ ասել»,- Արտետայի խոսքերն է մեջբերում Sky Sports-ը:
Արտետան նաև հաստատել է, որ «Սիթիի» դեմ կարող է խաղալ նաև կիսապաշտպան Թոմաս Պարտին, ով բուժել է աճուկը:
