«Արսենալի» կիսապաշտպան Սանտի Կազորլան հավատում է, որ իր ակումբը հաջորդ մրցաշրջանում կարող է տիտղոս նվաճել:
Նախորդ մրցաշրջանում իսպանացին «զինագործների» կազմում հաջող հանդես եկավ: Հիշեցնենք, որ Վենգերի սաները նախորդ մրցաշրջանի վերջին 10 խաղերից ութում հաղթեցին, ինչի շնորհիվ էլ մրցաշրջանն ավարտեցին լավագույն քառյակում և հնարավորություն ստացան մասնակցելու Չեմպիոնների Լիգային: Կազորլան կարծում է, որ այդ հաջողությունները շատ կարևոր էին իրենց համար:
-Երբ մենք չենք հաղթում և չի ստացվում հասնել այն արդյունքին, որին տրամադրված էինք, կորցնում ենք մեր վստահությունը: Սակայն հետո մենք կարողանում ենք ամեն ինչ շտկել:
Մենք հիանալի ֆուտբոլիստներ ունենք: Ես վստահ եմ, որ շարունակելու ենք լավացնել մեր խաղը: Հաջորդ մրցաշրջանն ավելի լավ է լինելու և մենք կկարողանանք տիտղոս նվաճել,- Կազորլայի խոսքերն է մեջբերում Sky Sports-ը:
