Մարզիչների ասոցիացիան (League Managers’ Association) տարվա մարզիչ է ճանաչել «Մանչեսթեր Յունայթեդի» իրենց կոլեգա Սէր Ալեքս Ֆերգյուսոնին:
Մինչ այս, Սէր Ալեքսն այս մրցանակին արժանացել էր երեք անգամ (1999, 2001 և 2008թթ-ին): Իր կարիերայի վերջին տարում շոտլանդացի մարզիչը չորրորդ անգամ ստացավ մրցանակը:
Ընթացիկ մրցաշրջանում 71-ամյա մարզիչն առանց որևէ լուրջ խնդրի Պրեմիեր Լիգայի գոյության ընթացքում «Յունայթեդի» համար 13-րդ անգամ նվաճեց չեմպիոնական տիտղոսը:
Ավելացնենք, որ Չեմպիոնշիփի տարվա մարզիչ է ճանաչվել Մալկի Մաքեյը, ում գլխավորությամբ «Քարդիֆը» առաջնությունում զբաղեցրեց առաջին տեղը և հաջորդ մրցաշրջանում կխաղա Պրեմիեր Լիգայում:
