«Հալլ Սիթիի» գլխավոր մարզիչ Սթիվ Բրյուսը կարծում է, որ իր թիմն Անգլիայի գավաթը նվաճելու իրական շանսեր ունի:
Գավաթային խաղարկության 5-րդ փուլում այսօր «վագրերը» 1/4 եզրփակչի ուղեգիրը կվիճարկեն Չեմպիոնշիփը ներկայացնող «Բրայթոնի» հետ: Բրյուսի կարծիքով, եթե իր թիմն անցնի հաջորդ փուլ, ապա հաղթելու ավելի մեծ շանսեր կունենա:
-Եթե մենք կարողանանք հաղթել և դուրս գալ հաջորդ փուլ, ապա ավելի իրական կլինի գավաթը նվաճելը: Ընդամենը մի քանի քայլ է մեզ բաժանում եզրփակչից: Մենք կարող ենք հաղթահարել բոլոր արգելքները, քանի որ կան «Ուիգանի» և «Սանդերլենդի» օրինակները,- Բրյուսի խոսքերն է մեջբերում Daily Mirror-ը:
