Պրեմիեր Լիգայի նորեկ «Հալլ Սիթին» պաշտոնապես հայտնել է ազատ ֆուտբոլիստի կարգավիճակում գտնվող անգլիացի դարպասապահ Սթիվ Հարպերի հետ պայմանագրի ստորագրման մասին:
Ինչպես հայտնի է, նախորդ մրցաշրջանի ավարտին «Նյուքասլը» բաժանվեց Հարպերից: «Կաչաղակները» նոր պայմանագիր չառաջարկեցին վետերանին, ով ակումբում էր արդեն երկու տասնամյակ:
38-ամյա Հարպերը «վագրերի» հետ 1 տարվա պայմանագիր է ստորագրել և նոր մրցաշրջանում կզբաղեցնի Ալան Մակգրեգորին փոխարինողի դերը, ով նույնպես այս ամռանն է տեղափոխվել «Հալլ»:
