Մի քանի շաբաթ բանակցություններ վարելուց հետո «Սուոնսիին» վերջապես հաջողվեց ձեռք բերել «Վիտեսի» հարձակվող Վիլֆրիդ Բոնիին:
«Կարապների» պաշտոնական կայքը հայտարարեց, որ այս տրանսֆերը ռեկորդային է ակումբի ամբողջ պատմության մեջ: Հոլանդիայի առաջնության լավագույն ռմբարկուին ձեռք բերելու համար «Սուոնսին» 12 մլն ֆունտ է վճարել:
Բոնին իր նոր թիմակիցներին միացել է դեռևս այս շաբաթվա սկզբին Նիդերլանդներում ուսումնամարզական հավաքի ժամանակ: Այսօր իվուարցին բուժզննում է անցել և Լիգայի գավաթակիրների հետ 4-ամյա պայմանագիր է ստորագրել:
Հավելենք, որ գործարքի վերջնական ձևակերպումներն ավարտելու համար 24-ամյա Վիլֆրիդին անհրաժեշտ է ստանալ Անգլիայում աշխատելու թույլտվություն:
