«Սուոնսի Սիթին» պաշտոնապես հաստատել է «Տոտտենհեմի» աջ պաշտպան Քայլ Նոթոնի տրանսֆերը: Գործարքը գնահատվում է 5 մլն ֆունտ:
Քայլը հանդիսանում է «Շեֆիլդ Յունայթեդի» սան, որը նա լքեց 2009թ-ին և Քայլ Ուոլկերի հետ տեղափոխվեց «Տոտտենհեմ»: Ի տարբերություն Ուոլկերի, Նոթոնը չկարողացավ տեղ գտնել լոնդոնյան ակումբի հիմնական կազմում:
Պրեմիեր Լիգայի այս մրցաշրջանում Նոթոնը մասնակցել է հինգ խաղի, որոնցում արժանացել է երկու կարմիր քարտի: 26-ամյա պաշտպանը չկարողացավ տպավորություն թողնել Մաուրիսիո Պոչետինոյի վրա և ստիպված լքեց «Ուայթ Հարթ Լեյնը»:
Այսօր Նոթոնը «կարապների» հետ երեք տարվա պայամանագիր է ստորագրել և ստացել է խաղային 26 համարը:
