«Մանչեսթեր Յունայթեդի» պաշտպան Ռաֆայել Վարանը բացատրել է, թե ինչպես է իր թիմը փոխվել Էրիկ Տեն Հագի օրոք։
Այս պահին Տեն Հագի սաները շարունակում են պայքարը բոլոր չորս ճակատներում և հինգշաբթի երեկոյան «Բարսելոնայի» հետ կխաղան Եվրոպայի լիգայի փլեյ-օֆֆում։
Վարանը նշում է, որ «Յունայթեդը» զգալիորեն կատարելագործվել է մարտավարության առումով, իսկ թիմի ֆուտբոլիստներն իսկապես վերականգնել են վստահությունը իրենց նկատմամբ։
«Հիմնական փոփոխությունները, կարծում եմ՝ նախ ինքնավստահությունն է, երկրորդը՝ կարգապահությունը»։
«Կարծում եմ՝ տակտիկապես մենք հստակ հետևում ենք կանոններին: Մենք հստակ գիտենք, թե ինչպես ենք ուզում խաղալ և վերահսկել խաղը»:
«Կարծում եմ, որ մեր խաղացողները մեծ վարպետություն ունեն, բայց փորձի և հաղթական ոգու շնորհիվ մենք շատ ենք առաջադիմել: Կարծում եմ, որ սա է տարբերությունը այս և նախորդ մրցաշրջանի միջև»:
«Կարծում եմ, որ մենք շատ ենք աճել վերջին ամիսներին: Կարծում եմ, որ մենք ավելի վստահ ենք խաղում, և վաղը եռանդուն է լինելու, այնպես որ մենք պետք է վերահսկենք մեր զգացմունքները, հանգստություն պահպանենք և հավատանք»:
«Մենք շատ ենք աճել որպես թիմ, և մեզ համար հաջորդ քայլը «Բարսելոնայի» նման թիմերին հաղթելն է: Դա մեզ համար հսկայական մարտահրավեր է և հսկայական հնարավորություն»:
«Կարծում եմ, որ մենք լավ թիմ ունենք, և մենք պատրաստ ենք այս մարտահրավերին»,- Վարանի խոսքերն է մեջբերում talkSPORT-ը։
