«Մանչեսթեր Յունայթեդի» ղեկավար Էրիկ Տեն Հագը կարծում է, որ տեսանելի ապագայում յոթ թիմեր կարող են պայքարել Պրեմիեր լիգայի տիտղոսի համար:
«Յունայթեդն» այժմ Պրեմիեր լիգայում երրորդն է՝ առաջատար «Արսենալից» ետ մնալով 16 միավորով:
Տեն Հագը համաձայն է, որ դեռևս որոշակի բաց կա «Յունայթեդի» և բարձրակարգ թիմերի միջև, սակայն Էրիկը հավատում է «կարմիր սատանաների» պոտենցիալին՝ դառնալու տիտղոսի հավակնորդներ:
«Պրեմիեր լիգան երբեք այսքան դժվար չի եղել, որքան հիմա: Այնքան շատ մրցակիցներ կան: Դա երկու թիմերի մրցավազք չէ, դա հինգ, վեց, յոթ թիմերի մրցավազք է: Կան վեց կամ յոթ ակումբներ, որոնք ցանկանում են այն, ինչ մենք ուզում ենք: Մենք ի վիճակի ենք դա անել, բայց ակումբի ներսում մենք հասկանում ենք, որ դեռ պետք է որոշակի քայլեր ձեռնարկենք»:
«Կարծում եմ, որ մենք լավ առաջընթաց ունենք, բայց մենք նաև պետք է հասկանանք, որ տարբերությունը դեռ կա: Չեմ կարող ակնկալել, որ մենք արագ կփակենք այդ տարբերությունը: Մենք փորձում ենք հաղթել յուրաքանչյուր խաղում և արդեն հաղթել ենք բոլոր բարձրակարգ թիմերին: Այնպես որ մենք պետք է կատարենք հաջորդ քայլը և ավելի կայուն դառնանք:Ժամանակի ընթացքում մենք կարող ենք դա անել»,- Տեն Հագին է մեջբերում Sky Sports-ը:
